Հայաստանում գուշակում են, թե ինչու է Փաշինյանը գնացել Պուտինի մոտ
ՔԱՂԱՔԱԿԱՆՈՒԹՅՈՒՆ
Pravda.ru–ն գրում է, որ Ուկրաինայում հատուկ գործողության ամենաթեժ պահին Հայաստանի առաջնորդ Նիկոլ Փաշինյանը Մոսկվա է գնացել տեսնելու Վլադիմիր Պուտինին։ Ըստ ամենայնի, խորհրդակցությունները անհետաձգելի են եղել։ Հանդիպմանը հաջորդած պաշտոնական հաղորդագրությունում ոչինչ չի ասվել Ղարաբաղի կարգավիճակի (որը դեռ որոշված չէ) և նրա ժողովրդի ինքնորոշման իրավունքի մասին։ Գրված է, որ անհրաժեշտ է «արագացնել Ռուսաստանի խորհրդատվական աջակցությամբ հայ-ադրբեջանական սահմանի գոտում սահմանազատման և անվտանգության հարցերով երկկողմ հանձնաժողովի ստեղծումը»։ Կողմերը պայմանավորվել են նաև «ակտիվացնել եռակողմ համագործակցությունը Հայաստանի, Ռուսաստանի և Ադրբեջանի միջև ընդհանուր առմամբ Ադրբեջանի և Հայաստանի միջև հարաբերությունների կարգավորմանը նպաստելու համար»։
Ողջունվել է նաև Ռուսաստանի աջակցությամբ մեկնարկած հայ-թուրքական հարաբերությունների կարգավորման գործընթացը։ Կողմերը նշել են «3+3 տարածաշրջանային խորհրդատվական կառույցի հաջող մեկնարկը, որը կոչված է տարածաշրջանի բոլոր երկրների միջև երկխոսության և բազմակողմ համագործակցության լրացուցիչ հնարավորություններ ընձեռել»։
Դումայի նախագահ Վյաչեսլավ Վոլոդինի հետ հանդիպմանը Նիկոլ Փաշինյանն ասել է, որ «վերջնական պայմանավորվածություն է ձեռք բերվել» մի շարք կարևոր հարցերի շուրջ, այդ թվում Հայաստանի անվտանգության, Լեռնային Ղարաբաղի հակամարտության, տարածաշրջանային ենթակառուցվածքների ապաշրջափակման, Հայաստանի և Ադրբեջանի միջև սահմանազատման գործընթացների հարցերով։
Հայկական լրատվական պորտալները տարածում են այն միտքը, որ Հայաստանը պատրաստվում է Լեռնային Ղարաբաղը ճանաչել որպես Ադրբեջանի մաս, և որի արդյունքը կլինի Հայաստանի և Ադրբեջանի միջև խաղաղության համաձայնագրի ստորագրումը։ Դե, դա էլ առիթ է Վլադիմիր Պուտինի հետ դեմ առ դեմ խոսելու Ղարաբաղի հայերի անվտանգության երաշխիքների մասին։ Հավանաբար, Մինսկի համաձայնագրերի նման մի բան է պատրաստվում Ղարաբաղի Ադրբեջանի կազմ վերաինտեգրման համար։ Մերձավոր Արևելքի և Կովկասի հիմնախնդիրների ռուս փորձագետ Ստանիսլավ Տարասովը նշել է նման հնարավորության մասին, չի բացառվում խաղաղության պայմանագրի ստորագրումը Ղարաբաղը Ադրբեջանի կազմում ներառելու պայմաններով, և որ Փաշինյանը, ըստ էության, «բալանսավորում է» Մոսկվայի, Վաշինգտոնի, Փարիզի և Բրյուսելի միջև։
Մոսկվան, նշել է քաղաքագետը, երբեք դեմ չի եղել Հայաստանի և Ադրբեջանի միջև խաղաղության համաձայնագրի ստորագրմանը։ «Մոսկվայում այնպիսի զգացողություն կա, որ Նիկոլ Փաշինյանի գլխավորած հայերն այլևս կապ չունեն Ղարաբաղի հետ... Ռուսաստանը կպաշտպանի Ղարաբաղի հայերին, կպաշտպանի նրանց մինչև վերջ, բայց հարցերը կլուծի ոչ թե Երևանի, այլ Բաքվի հետ»,- զգուշացրել է ռուս փորձագետին։
Քաղաքագետ Ստեփան Դանիելյանը կարծում է, որ այն պլանը, որն իրականացնում է Փաշինյանը, Արևմուտքի ինստալյացիան է։ Եվ դա «այլ ընտրություն չի թողնում հայերին և բացառում է Ռուսաստանին»։ «Իհարկե, Հայաստանի արևմտամետները (այսինքն Փաշինյանը) խելք չունեին գիտակցելու իրենց ամենօրյա գործողությունների հետևանքները, բայց դրա մեղավորը իրենք են և թող կոկորդիլոսի արցունք չթափեն»,- գրել է Դանիելյանը սոցիալական ցանցում:
Պաշտպանության նախկին փոխնախարար Արտակ Զաքարյանը կարծում է, որ Նիկոլ Փաշինյանը համաձայնվել է ակտիվացնել հարաբերությունները Ադրբեջանի հետ միջազգային տարբեր խողովակներով։ «Ինչպես երևում է պաշտոնական այցից, մեր երկրի համար շոշափելի արդյունքներ կամ կոնկրետ ձեռքբերումներ չկան: Ռուսաստանը հաջողությամբ հետապնդում է իր շահերը, իսկ Հայաստանի շահերի համար պատասխանատու է միայն կապիտուլյանտ Նիկոլը: Նույնիսկ լավագույն ընկերը չի օգնի Նիկոլի նման ղեկավար ունեցող երկրին, նրան թշնամի պետք չէ, մեր թշնամին շատ տնից չէ, նա իշխանություն է»,- գրել է Զաքարյանը սոցցանցում։
Սա ազգայնականի կարծիքն է, բայց Հայաստանի ժողովուրդն ընտրել է խաղաղությունը հունիսի 22-ին (արդեն Ղարաբաղի համար պատերազմից հետո)՝ խորհրդարանական ընտրություններում քվեարկելով Նիկոլ Փաշինյանի «Քաղաքացիական պայմանագիր» կուսակցության օգտին։ Նա ստացել է ձայների 58%-ը՝ ազգայնական Ռոբերտ Քոչարյանի 22%-ի դիմաց։ Հայ ժողովրդին խաղաղություն է պետք, բայց ղարաբաղցիները ԽՍՀՄ-ում ապրել են Ադրբեջանի կազմում, և, թերևս, այդ փորձը բացասական տպավորություններ չի թողել նրանց վրա։
Նյութը հրապարակման պատրաստեց Կամո Խաչիկյանը
