Այսօրվա ուժեղ քամին ավելի մեծ վնասներ կտա ծաղկած ծառերին, քան ջերմաստիճանի նվազումը. Հրաչ Բերբերյան
ՀԱՍԱՐԱԿՈՒԹՅՈՒՆ
Հիդրոօդերևութաբանության և մոնիթորինգի կենտրոնից հայտնում են, որ դի ջերմաստիճանն ապրիլի 12-ի ցերեկը, 13-ին աստիճանաբար կնվազի 10-13 աստիճանով, սպասվում են տեղումներ թաց ձյան և ձնախառն անձրևի տեսքով:
1or.am-ը զրուցել է գյուղատնտեսության փորձագետ Հրաչ Բերբերյանի հետ, հասկանալու համար, թե ջերմաստիճանի նվազումն ինչպես կանդրադառնա այս տարվա բերքատվության վրա և արդյոք սպասե՞լ ցրտահարության.
«Կարծում եմ՝ որևէ լուրջ վնաս չի լինի, որովհետև զրո աստիճանը վտանգավոր չէ գյուղատնտեսության համար: Ուղղակի բույսն իր աճը կկանգնեցնի, եթե միամյա կուլտուրաների մասին է խոսքը: Ինչ վերաբերում է խնձորին և ծիրանին, այսօրվա ուժեղ քամին ավելի մեծ վնասներ կտա ծաղկած ծառերին, քան ջերմաստիճանի նվազումը, բերքի մաքսիմում 10 տոկոս կորուստ կունենանք, ոչ ավելի:
Ուժեղ քամու հետևանքով այսօր տանիքներ են պոկվել, որը գյուղացիների համար ավելի մեծ վնաս է, ցրտահարության վտանգը շատ փոքր է: Խորհուրդ կտամ «մասնագետներն» իրենց կարծքիը չարտահայտեն և գյուղացիներին խուճապի չմատնեն»:
Մարիամ Նալբանդյան
