«Արարատ, դու սխալվում ես». Հայաստանը դեմ է Թուրքիայի հետ առանց նախապայմանների կարգավորմանը
ՔԱՂԱՔԱԿԱՆՈՒԹՅՈՒՆ
Eadaily.com-ը գրում է, որ Հայաստանի քաղաքացիների գրեթե յոթանասուն տոկոսը դեմ է Թուրքիայի հետ դիվանագիտական հարաբերությունների հաստատմանը և առանց որևէ նախապայմանի սահմանների բացմանը։ Այս մասին են վկայում Gallup International Association հետազոտական կազմակերպության հայաստանյան ներկայացուցչության անցկացրած հարցման տվյալները, որը հրապարակել է կազմակերպության հայաստանյան գրասենյակի ղեկավար Արամ Նավասարդյանը։
«11,2%-ը միանշանակ կողմ է Թուրքիայի հետ դիվանագիտական հարաբերություններ հաստատելուն և առանց որևէ նախապայմանի սահմանների բացմանը, 15,1%-ը ավելի շուտ կողմ է, 8,2%-ը՝ ավելի շուտ դեմ է, 59,3%-ը միանշանակ դեմ է, իսկ 5,8%-ը դժվարացել է պատասխան տալ»,- նշել է Նավասարդյանը։
Ինչպես կարելի է հասկանալ հարևան երկրի հետ հարաբերությունները կարգավորելու հիմնական նախապայմանի տակ Հայաստանի քաղաքացիների մեծամասնությունը հասկանում է պաշտոնական Անկարայի կողմից 1915-1922 թվականներին Օսմանյան Թուրքիայում Հայոց ցեղասպանության փաստի ճանաչումը։ Թուրքիայի ղեկավարությունը մինչ օրս կտրականապես հերքում է հայերի զանգվածային բնաջնջումը իրենց պատմական հայրենիքում։
Հիշեցնենք, որ անցյալ ամիս ԱԳ նախարար Արարատ Միրզոյանը հյուր էր Անթալիայի դիվանագիտական ֆորումին, նա ընդունել էր իր թուրք գործընկեր Մևլութ Չավուշօղլուի հրավերը։ Դա հայ բարձրաստիճան պաշտոնյայի առաջին այցն էր Թուրքիա վերջին տարիներին։ Անդրկովկասյան հանրապետության ԱԳՆ ղեկավարը մարտին Anadolu պետական լրատվական գործակալությանը տված հարցազրույցում անդրադարձել է Թուրքիայի հետ հարաբերությունների կարգավորման հարցին: Միրզոյանի խոսքով, Հայաստանի քաղաքացիների մեծամասնությունը հավանություն է տալիս հարևան երկրի հետ մերձեցմանը, այդ թվում նրա հետ դիվանագիտական հարաբերություններ հաստատելու և ցամաքային սահմանի ապաշրջափակման տեսքով։
Նյութը հրապարակման պատրաստեց Կամո Խաչիկյանը
