Բժիշկը նշել է սթելս- օմիկրոնի տարբերակիչ հատկանիշները
ՀԱՍԱՐԱԿՈՒԹՅՈՒՆ
Lenta.ru-ն գրում է, որ սթելս-օմիկրոնի տարբերակիչ հատկանիշը նրա ավելի ծանր ընթացքն է համեմատած օմիկրոն շտամի հետ: Կորոնավիրուսի BA.2 տարբերակի նման տարբերակիչ հատկությունն է նշել բժշկական գիտությունների թեկնածու Մաքսիմ Տերսկին հղում կատարելով Մեծ Բրիտանիայի փորձին։ «Մուտացիաների շարքի առումով օմիկրոնի և սթելս-օմիկրոնի միջև տարբերությունները ավելի քիչ չեն, քան օրինակ դելտա շտամի ու օմիկրոնի: Ախտանիշները նման են, aայնպիսին են ինչպես օմիկրոնի դեպքում, սակայն որոշ հեղինակներ նշում են սթելս-օմիկրոնի ավելի ծանր ընթացք»,- ասել է բժիշկը:
Նրա խոսքով՝ սթելս-օմիկրոն կորոնավիրուսի նոր դեպքերի թվի աճը կլինի 80 տոկոսով ավելի արագ, քան օմիկրոն շտամի ալիքի դեպքում։ Բացի այդ, 30-40 տոկոսով ավելանում է տարածման R գործակիցը, որը ցույց է տալիս մեկ վարակված անձից հնարավոր վարակվածների թիվը։
Տերսկին ասել է, որ սթելս-օմիկրոնն ակտիվորեն տարածվում է այն երկրներում, որտեղ մեծ թվով պատվաստված բնակիչներ կան։ Այնտեղ, որտեղ COVID-19-ի նկատմամբ կոլեկտիվ իմունիտետը բարձր է, աճում է հոսպիտալացումների թիվը ռիսկային խմբերում, որոնք պատվաստված չեն, և բնականաբար կարելի է ակնկալել մահացության բարձր մակարդակ, ասել է մասնագետը։
Նյութը հրապարակման պատրաստեց Կամո Խաչիկյանը
