Փորձագետները համեմատել են սննդամթերքի գները Ռուսաստանում և Հայաստանում, և իմացել ճշմարտությունը
ՀԱՍԱՐԱԿՈՒԹՅՈՒՆ
tsargrad.tv-ն գրում է, որ ռուսական և հայկական սուպերմարկետներում սննդամթերքի գների տեսողական համեմատությամբ կարելի է պարզել, թե արդյո՞ք Հայաստանում սնունդը շատ ավելի էժան է, քան Ռուսաստանում։ Թե՞ ճիշտ հակառակն է։
Russian team in Armenia-ն հետաքրքիր ուսումնասիրություն է անցկացրել համեմատելով նույն տեսակի պարենային ապրանքների գները երկու երկրներում՝ Հայաստանում և Ռուսաստանում։ Համեմատության մեջ օգտագործվել է արտարժույթի ընթացիկ փոխարժեքը 2022 թվականի ապրիլի 1-ի դրությամբ։
Պարզվել է, որ շաքարավազը, որի նկատմամբ տենդային պահանջարկը հանգեցրել է դրա թանկացման Ռուսաստանում, Հայաստանում ավելի էժան է։ Կես կիլոգրամանոց փաթեթը Ռուսաստանում 90 ռուբլի է, որի համեմատ Հայաստանում ռուբլու վերածած նույն քանակը արժե 72 ռուբլի: Բացի դա Հայաստանում ավելի էժան են խմելու ջրերը, ինչպես նաև լիտրանոց տուփերով հյութերը։
Միսը, ձուկը, թռչնամիսը, կաթնամթերքը, հացահատիկային և հացաբուլկեղենային արտադրանքների վաճառքի գները մոտավորապես նույնն են։ Օրինակ Ռուսաստանում և Հայաստանում մեկ լիտր կաթը արտահայտված ռուբլով արժե համապատասխանաբար 69 և 73։ Տարբերությունը արտահայտիչ չէ, քանի որ այդ ապրանքը երկու երկրներում էլ ունի գների լայն շրջանակ, որը կախված է վաճառքի վայրից և նույնիսկ ժամանակից:
Հետազոտողները նշել են, որ իրենք չեն համեմատել պանրի և երշիկեղենի գները, քանի որ երկու երկրներում դժվար է համեմատելի նմանատիպ ապրանքներ գտնել։
Նյութը հրապարակման պատրաստեց Կամո Խաչիկյանը
