«Իրավունք»․ Ինչպես է բժիշկը փորձել բռնաբարել ինքնասպանության փորձ կատարած աղջկան. մանրամասներ
ՄԱՄՈՒԼԻ ՏԵՍՈՒԹՅՈՒՆ
«Իրավունք» թերթը գրում է.
«Մեծ աղմուկ է բարձրացել Կապանի բժշկական կենտրոնում արձանագրված պատմության շուրջ:
Հիշեցնենք, օրերս մեղադրանքներ հնչեցին, որ երիտասարդ աղջիկը, հիվանդանոց տեղափոխվելուց հետո, բժիշկ-անասթեզիոլոգի կողմից սեռական ոտնձգության է ենթարկվել:
Նշենք, որ ըստ լուրերի, 18-19 տարեկան աղջիկը ԲԿ էր տեղափոխվել ինքնասպանության փորձ կատարելուց հետո բուժօգնություն ստանալու նպատակով:
Դեպքի վերաբերյալ մեզ որոշ մանրամասներ հաջողվեց պարզել: Մասնավորապես, որ դեպքը տեղի է ունեցել գիշերը ժամը 3-ի սահմաններում: Ըստ աղբյուրի, բժիշկը հիվանդին կանչել է բժիշկների սենյակ եւ աղջկա կամքին հակառակ, փորձել է սեռական հարաբերություն ունենալ նրա հետ: Սակայն 19-ամյա աղջիկը դիմադրություն է ցույց տվել եւ դուրս վազել սենյակից: Իսկ առավոտյան հաղորդում է ներկայացրել իրավապահ մարմիններին:
Մենք փորձեցինք Կապան բկ-ի տնօրենից պարզ բանում ստանալ վերոհիշյալի վերաբերյալ, բայց մեզ ԲԿ-ից եւ ոչ մեկի հետ կապվել չհաջողվեց: Իսկ Սյունիքի մարզպետի մամլո խոսնակ Վազգեն Սաղաթելյանը նշեց, որ բկ-ն երեկվանից նոր տնօրենի պաշտոնակատար ունի եւ չի կարող պատասխանել իրենից առաջ կատարված դեպքերին վերաբերող հարցերին»:
Առավել մանրամասն՝ թերթի այսօրվա համարում
