Պատմության այս օրը (մարտի 26)
ՊԱՏՄՈՒԹՅԱՆ ԱՅՍ ՕՐԸ
ՈՐՈՇ ՏՈՆԵՐ - Բանգլադեշ՝ Անկախության օր, Մալի՝ Ժողովրդավարության օր, Ուկրաինա՝ Ազգային Գվարդիայի օր, Վիետնամ՝ Երիտասարդության օր, Զրադաշտականներ` Զրադաշտի ծննդյան օր
ՀԱՅԱՍՏԱՆՈՒՄ
1701- հիմնադրվել է Վենետիկի հայոց Մխիթարյան միաբանությանը:
1920-հայ-ադրբեջանական պատերազմի ընթացքում Սալիմովի, Թեյմուր բեկ Նովրուզովի և Ալի աղա Շիխլինսկու ղեկավարած զորքերը փորձել են գրավել Դալի Ղազարի զորքի կողմից պաշտպանվող Ասկերանը և շրջակա բնակավայրերը։
-Զանգեզուրից Ղարաբաղ է ուղարկվել փոխգնդապետ Թարվերդյանի փոքրիկ ջոկատը, որը ի վերջո հետ է վերադարձել կապված նրա հետ, որ Ջեբրաիլում ադրբեջանական ուժեր չեն հայտնաբերվել։
1928- ծնվել է նկարիչ, պրոֆեսոր Ռոմանոս Սարգսյանը։
1947- ԽՍՀՄ-ում արգելվել է մահապատիժը։
1958- վախճանվել է բանաստեղծ Ազատ Վշտունին:
1993-Հայաստանը դիվանագիտական հարաբերություններ է հաստատել Նեպալի հետ։
1999- Միչիգանի դատարանը հայազգի բժիշկ Ջեք Գևորգյանին՝ Դոկտոր մահին, մեղավոր է ճանաչել էֆտանազիա իրականացնելու համար։
2002- պաշտոնապես սկսվել է Հյուսիսային պողոտայի շինարարությունը:
2006- Վաշինգտոնում Հայաստանի ու «Հազարամյակի մարտահրավերներ» կորպորացիան միջև կնքվել է համաձայնագիր, որով առաջիկա 5 տարվա ընթացքում Հայաստանի կառավարությունը պետք է ստանար 235 միլիոն դոլար։
2007- Հայաստանի նախագահ Ռոբերտ Քոչարյանը ընդունել է կառավարության հրաժարականը` կապված վարչապետ Անդրանիկ Մարգարյանի մահվան հետ:
2008-Հյուսիսային պողոտայում ծառայություն իրականացնող ոստիկանները սկսել են բերման ենթարկել պողոտայով «քաղաքական զբոսանք» իրականացնող անձանց։
2008- վախճանվել է ֆրանսահայ երգիչ Ժակ Դուվալյանը։
2014- կառավարության որոշմամբ Հայկական ատոմակայանի շահագործումը երկարացվել է ևս 10 տարով:
2019-վարչապետ Նիկոլ Փաշինյանը ներկայությամբ բացվել է «Սպայկա» ագրոհոլդինգի պանրի և կաթնամթերքի այլ տեսակների ժամանակակից տեխնոլոգիաներով հագեցած գործարանը։
2020-«Նորք» ինֆեկցիոն կլինիկական հիվանդանոցում արձանագրվել է կորոնավիրուսային վարակից մահվան առաջին դեպքը Հայաստանում։
2021-Մարտի 1-ի գործն անակնկալ զարգացում է ունեցել։ Սահմանադրական դատարանը հակասահմանադրական է ճանաչել այն հոդվածը, որով մեղադրանք է առաջադրվել երկրորդ նախագահ Ռոբերտ Քոչարյանին և մյուսներին։
ԱՇԽԱՐՀՈՒՄ
1169- Սալահ ադ Դինը դարձել է Եգիպտոսի էմիր։
1483 —ծնվել է իտալացի նկարիչ և ճարտարապետ Ռաֆայելը։
1668 —Անգլիան ստացել է Բոմբեի նկատմամբ հսկողություն։
1713 —Իսպանիան Անգլիային իրավունք է տվել զբաղվել ստրկավաճառությամբ իր ամերիկյան տարածքներում։
1720 —վախճանվել է իտալացի կսմիթավոր երաժշտական գործիքներ պատրաստող վարպետ Պիետրո Գվարներին։
1797-վախճանվել է շոտլանդացի երկրաբան Ջեյմս Հաթոնը։
1812- Վենեսուելայի մայրաքաղաք Կարակասում տեղի է ունեցել երկրաշարժ, որի արդյունքում զոհվել է մոտ 20000 մարդ։
1827- վախճանվել է գերմանացի մեծագույն կոմպոզիտոր, դաշնակահար, դիրիժոր Լյուդվիգ վան Բեթհովենը։
1828- ավստրիացի երգահան Ֆրանց Շուբերտը տվել է իր միակ հասարակական համերգը։
1830 —հրատարակվել է Մորմոնների Գիրքը։
1845 —ԱՄՆ-ում արտոնագրվել է բժշկական լեյկոպլաստիրը։
1881- Թեսալիան ազատագրվել և մտել է Հունաստանի կազմ։
1911- ծնվել է ամերիկացի դրամատուրգ, գրող և բանաստեղծ Թենեսի Ուիլյամսը։
1923- վախճանվել է ֆրանսիացի դերասանուհի Սառա Բեռնարը։
1933 —ծնվել է իտալացի կինոռեժիսոր Տինտո Բարսսը («Բոլոր մարդիկ անում են դա», «Ծածուկ նայողը», «Արգելքները խախտելով» և այլն)։
1934- Մեծ Բրիտանիայում մտցվել են քննություններ ավտոմեքենա վարելու համար։
1941- ծնվել է անգլիացի կենսաբան Ռիչարդ Դոկինզը։
1944 —Երկրորդ համաշխարհային պատերազմի ժամանակ խորհրդային զորքերը Պրուտ գետի շրջանում դուրս են եկել ԽՍՀՄ-ի սահմանից։
1945- Երկրորդ համաշխարհային պատերազմի ժամանակ ամերիկյան զորքերը գրավել են ճապոնական Իվոձիմա կղզին։
1953-ամերիկացի բժիշկ Ջոնս Էդվարդ Սոլկը հայտարարել է, որ հաջողված փորձարկվել է պոլիոմիելիտ հիվանդության դեմ ստեղծած իր պատվաստանյութը։
1960 —Հիմնադրվել է նոր ֆուտբոլային մրցաշարը՝ Եվրոպական երկրների գավաթակիրների գավաթը։
1971- Արևելյան Պակիստանն անջատվել է Պակիստանից և ստեղծվել է Բանգլադեշի Հանրապետությունը։
1973 —Լոնդոնյան ֆոնդային բորսա առաջին անգամ թույլատրել են մուտք գործել կանաց։
1979 —Իսրայելի վարչապետ Բեգինը և Եգիպտոսի նախագահ Անվար Սադաթը երկտարյա բանակցությունների արդյունքում կնքել են Եգիպտա-իսրայելյան խաղաղության պայմանագիր։
1995- ուժի մեջ է մտել Շենգենյան համաձայնագիրը։
1996- Միջազգային արժութային ֆոնդը Ռուսաստանին տրամադրել է 6.9 միլիարդ դոլար վարկ, որը ամենամեծ վարկն է այդ ֆոնդի պատմության մեջ։
1999 —արձանագրվել է «Մելիսսա» վիրուսի հայտնվելը, որը կարճ ժամանակում ամբողջ աշխարհում վարակել է հարյուր հազարավոր համակարգիչներ։
2000 —Վլադիմիր Պուտինը ընտրվել է Ռուսաստանի նախագահ։
2001 —Աֆղանստանում իշխող Թալիբան շարժման ներկայացուցիչները լրագրողներին ցուցադրել են Բամիան պրովինցիայում ժայռերի վրա փորված Բուդդայի հսկայական արձանների ոչնչացումը։
2017 —Ռուսաստանի ավելի քան 80 քաղաքներում տեղի են ունեցել Ալեքսանդր Նավալնու նախաձեռնած Կոռուպցիայի դեմ պայքարին ուղղված բողոքի ցույցեր։
2018-վախճանվել է ռուս գործարար «МММ» բաժնետիրական ընկերության հիմնադիր Սերգեյ Մավրոդին։
Նյութը հրապարակման պատրաստեց Կամո Խաչիկյանը
