ՌԴ ՊՆ-ն հայտարարել է Ուկրաինայի զինված ուժերի խոշոր զինապահեստների ոչնչացման մասին
ՔԱՂԱՔԱԿԱՆՈՒԹՅՈՒՆՌԴ ՊՆ պաշտոնական ներկայացուցիչ, գեներալ-մայոր Իգոր Կոնաշենկովը հայտնել է, որ մարտի 22-ին Ռուսաստանի զինված ուժերը օդային և ծովային գերճշգրիտ հեռահար զինատեսակներ են արձակել ուկրաինական ռազմական օբյեկտների դեմ, ինչի արդյունքում ոչնչացվել են Ուկրաինայի զինված ուժերի վառելիքի և քսանյութերի մեծ պահեստներ Լիսիչանսկ և Կրամատորսկ բնակավայրերում, հրթիռների և հրետանային զենքի պահեստ Դրուժկովկայում և զինամթերքի պահեստներ Նադեժդինկայում և Նովոալեքսանդրովսկում:
Ըստ ՊՆ-ի՝ ՌԴ ԶՈւ ստորաբաժանումները, հետապնդելով Ուկրաինայի ԶՈւ 54-րդ առանձին մեքենայացված բրիգադի նահանջող ստորաբաժանումներին, մեկ օրում առաջ են անցել ևս 4 կիլոմետրով և մոտեցել Նովոմիխայլովկա բնակավայրին։
Նաև Դոնեցկի Ժողովրդական Հանրապետության մի խումբ զորքեր վերահսկողության տակ են վերցրել Վերխնետորեցկոե գյուղը և շարունակում են գրոհել Ուկրաինայի Զինված ուժերի 25-րդ օդադեսանտային բրիգադի ստորաբաժանումների վրա։
Օպերատիվ-մարտավարական և բանակային ավիացիան խոցել է 83 ուկրաինական ռազմական թիրախ, օդում խոցվել է նաև ուկրաինական 6 անօդաչու թռչող սարք։
Ընդհանուր առմամբ, հատուկ գործողության մեկնարկից ի վեր ոչնչացվել է 236 ուկրաինական անօդաչու թռչող սարք, 185 զենիթահրթիռային համակարգ, 1547 տանկ և զրահատեխնիկա, 154 բազմակի հրթիռահրետանային կայանք, 612 դաշտային հրանոթ և ականանետ, 1343 միավոր ռազմական մեքենա, ասել է Կոնաշենկովը:
