Ռուսաստանը կարող է ցանկացած պահի հարձակում սկսել Ուկրաինայի դեմ. Սպիտակ տուն
ՄԻՋԱԶԳԱՅԻՆ
Ռուսաստանն ամեն պահի պատրաստ է հարձակվել Ուկրաինայի վրա, ինչպես կարծում են ԱՄՆ իշխանությունները: «Մեդուզա» գործակալության փոխանցմամբ՝ այս մասին հայտարարել է Սպիտակ տան մամուլի քարտուղար Ջեն Փսակին:
«Նախագահ Պուտինն այս ճգնաժամն ստեղծել է հարյուր հազար ռուս զինվորականի հավաքելով Ուկրաինայի սահմանի երկարությամբ, ներառյալ ռուսական զորքերի՝ վերջերս տեղի ունեցած տեղափոխումը Բելառուս՝ Ուկրաինայի արևելյան սահմանների մոտ հավելյալ զորավարժություններ իրականացնելու համար»,- ասել է նա:
Սպիտակ տան ներկայացուցչի խոսքով՝ Ռուսաստանը պետք է որոշի՝ կբախվի արդյոք իր քայլերի տնտեսական հետևանքներին, թե կընտրի իրավիճակի դիվանագիտական կարգավորման եղանակը:
Փսակին հայտնել է նաև, որ Վաշինգտոնը տեղեկություն ունի, որը մատնանշում է, որ ռուսական իշխանությունները հունվարի սկզբին Ուկրաինայում դեսպանատան աշխատակիցների տարհանման էին պատրաստվում:
