Նախընտրությունների փոփոխություն. Հայաստանը խոզի միս է գնում Ղազախստանից և պահածոյացված ապրանքներ է վաճառում

Մյուս առևտրային գործընկերների համեմատ, Հայաստանի ու Ղազախստանի միջև առևտրաշրջանառությունը մնում է համեստ։ Սակայն, այս տարի փոխադարձ առևտուրը նկատելիորեն աճել է. հունվարից մայիս այն հասել է 40 միլիոն դոլարի, ինչը 2.2 անգամ ավելի է, քան 2025 թվականի նույն ժամանակահատվածում, գրում է lsm.kz–ն։

Չնայած արտահանման ֆիզիկական ծավալն աճել է ընդամենը 3.2%-ով հասնելով 3400 տոննայի, բայց դրանց արժեքը գրեթե եռապատկվել է հասնելով 32.5 միլիոն դոլարի։ Սա ցույց է տալիս, որ Ղազախստանը սկսել է մատակարարել ավելի թանկ ապրանքներ։

Սննդամթերքի շարքում շաքարային ըմպելիքների առաքումներն են զգալիորեն աճել՝ 9.2 անգամ հասնելով 510.9 տոննայի, իսկ ահա կաթի և կաթնաշոռի արտահանումն աճել է 31.7%-ով հասնելով 98 տոննայի։ Սակայն մածունի արտահանումը նվազել է 19%-ով՝ հասնելով 184 տոննայի, իսկ խոզի մսի արտահանումը նվազել է 6.1 անգամ հասնելով 60 տոննայի։

Ոչ պարենային ապրանքների շարքում կտրուկ աճել են ծխախոտի, փայտիկների և թութունի վաճառքը՝ 3.2 անգամ՝ հասնելով 732.1 տոննայի, կոսմետիկայի, մազերի և մաշկի խնամքի միջոցների վաճառքն է աճել 1.8 անգամ հասնելով 469 տոննայի, իսկ զուգարանի թղթի վաճառքը աճել է 34.6%-ով հասնելով 171.4 տոննայի։

Միևնույն ժամանակ, Հայաստանի կողմից կահույքի գնումներն են նվազել 15%-ով հասնելով 127.6 տոննայի, իսկ էլեկտրական մարտկոցների գնումները նվազել է 1.5%-ով հասնելով 14,200 միավորի։

Ավելին, Ղազախստանը արտահանել է հանքային նյութերը բիտումի հետ խառնելու մեքենա։ Անցյալ տարի այդ ապրանքը չի ներառվել մատակարարումների ցանկում։

Միևնույն ժամանակ, Հայաստանից ֆիզիկական արտահայտությամբ ներմուծումը նվազել է 14%-ով հասնելով 683.2 տոննայի։ Սակայն, դրամական առումով, մատակարարումների ծավալը աճել է 5.6%-ով հասնելով 7.5 միլիոն դոլարի։

Սննդամթերքից շոկոլադի մատակարարումներն են կտրուկ աճել՝ 16.3 անգամ հասնելով 4.9 տոննայի, իսկ մսի և ձկան պահածոյացված ապրանքներինը՝ 19.5 անգամ հասնելով 3.9 տոննայի։

Միևնույն ժամանակ, կոնյակի, օղու և լիկյորների ներմուծումը նվազել է 2.2 անգամ հասնելով 123.8 տոննայի, իսկ սննդային հավելումների և բուսական թեյերի ներմուծումը նվազել է 2.7 անգամ՝ հասնելով 12.7 տոննայի։

Բացի այդ, Ղազախստանը Հայաստանից գնել է 2.2 տոննա զարդեր (11 անգամ աճ), 1.9 տոննա դեղորայք (11.7 տոկոս աճ) և 17.5 տոննա կափարիչներ, փակիչներ և խցաններ (20.7 տոկոս աճ)։

Նյութը հրապարակման պատրաստեց Կամո Խաչիկյանը

www.1or.am