Փրկարարները դուրս են բերել վերելակում մնացած քաղաքացիներին

Հունվարի 2-ին, ժամը 12.24-ին, ԱԻՆ-ում ահազանգ է ստացվել, որ Կոտայքի մարզի Հրազդան քաղաքի Կենտրոն թաղամասում՝  թիվ 84 շենքի 2-րդ մուտքի վերելակի մեջ քաղաքացիներ են արգելափակվել:

ԱԻՆ լրատվական ծառայությունից տեղեկանում ենք, որ դեպքի վայր է մեկնել հրշեջ-փրկարարական ջոկատի օպերատիվ խումբը:

Փրկարարները վերելակների սպասարկման ծառայության աշխատակիցների օգնությամբ քաղաքացիներին դուրս են բերել վերելակից: