Ճանապարհի մերկասառույցի պատճառով Երևանում բախվել են 2 Lexus, Mercedes-ը և Volkswagen-ը. ՖՈՏՈՌԵՊՈՐՏԱԺ, ՏԵՍԱՆՅՈՒԹ

shamshyan.com-ը գրում է.

Երեկ՝ դեկտեմբրի 29-ին, շղթայական ավտովթար է տեղի ունեցել Երևանում։ Ժամը 18։00-ի սահմաններում Սարալանջի նորակառույց ճանապարհին բախվել են Volkswagen մակնիշի 24 ՏՕ 703 համարանիշի, Lexus մակնիշի 99 ՕT 001 համարանիշի, Mercedes C180 մակնիշի 34 DF 948 համարանիշի և Lexus ԼX 570 մակնիշի 03 ՕՈ 444 համարանիշի ավտոմեքենաները։

Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ վթարի հետևանքով, բարեբախտաբար, զոհեր և վիրավորներ չկան։ Դեպքի վայր են ժամանել Ճանապարհային ոստիկանության 1-ին սպայական գումարտակի ծառայողները։

Վթարի մասին ՃՈ օպերատիվ կառավարման կենտրոնի պատասխանատու հերթապահ Գարիկ Հակոբյանը տեղեկությունը փոխանցել է ՃՈ Ճանապարհատրանսպորտային պատահարների գործերով հետաքննության և վարչական վարույթի իրականացման բաժին, որտեղից ժամանել է սպայական ջոկի տեսուչը, ում կողմից փաստի առթիվ նյութեր են նախապատրաստվում։

Ֆոտոլրագրողը հայտնում է, որ վթարի պատճառը եղել է ճանապարհի մերկասառույցը։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարները և տեսանյութը՝ Գագիկ Շամշյանի