Արտակարգ դեպք Ալավերդիում. փողոցում հայտնաբերվել է 34-ամյա տղամարդու դի. սպանության կասկածանքով ձերբակալվել է նրա 25-ամյա հարևանը

Այսօր՝ դեկտեմբերի 29-ին, արտակարգ դեպք է տեղի ունեցել Լոռու մարզում։

 Ժամը 03։30-ի սահմաններում Ալավերդու բժշկական կենտրոնի հերթապահ խումբը ահազանգել է ոստիկանության Թումանյանի բաժին և հայտնել, որկանչով մեկնել են Ջրավազանի փողոց, որտեղ մայթեզրին հայտնաբերել են մահացած տղամարդու դի։

 Ոստիկաններն ու քննիչները պարզել են, որ մահացածը հանդիսանում էր Ալավերդի քաղաքի Սանահին-Սարահարթ 1/25 շենքի 15 բնակարանի բնակիչ, 34-ամյա Ռոման Պողոսյանը։

 Դատաբժշկի նախնական եզրակացության համաձայն՝ նա վնասվածքներ է ստացել ծոծրակային մասում։

 Հարուցվել է քրեական գործ՝ ՀՀ քր.օր-ի 104 հոդվածի 1-ին մասի հատկանիշով։

 Ֆոտոլրագրողի տեղեկություններով՝ սպանության կասկածանքով ձերբակալվել է նույն շենքի 19 բնակարանի բնակիչ, 25-ամյա Վլադիմիր Խանդամիրյանը, ով այս պահին գտնվում է ոստիկանության Թումանյանի բաժնում։

 Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով' դատարանի' օրինական ուժի մեջ մտած դատավճռով:

 Մանրամասն՝ shamshyan.com կայքում: