Ո՞րն էր Սոչիում՝ Ту-154 ինքնաթիռի կործանման պատճառը
ՄԻՋԱԶԳԱՅԻՆ
ՌԴ պաշտպանության նախարարության ռազմածովային ուժերի կենտրոնի մասնագետները նախնական վերլուծության են ենթարկել դեկտեմբերի 25-ին Սև ծովում կործանված Ту-154 ինքնաթիռի ինքնագրիչներից մեկի ձայնագրությունները:
Ինչպես հաղորդում է Интерфакс գործակալությունը` հղում անելով անանուն աղբյուրին, «սև արկղի» վերլուծությունը հաստատում է օդանավը վարելու ժամանակ թույլ տված սխալի վարկածը: Այլ մանրամասներ գործակալության զրուցակիցը չի հայտնել:
Ավիավթարի վայրում ստեղծված օպերատիվ շտաբի աղբյուրը միևնույն ժամանակ տեղեկացրել է, որ վթարի պատճառ է դարձել ինքնաթիռի թևերի փականների աշխատանքի խափանումը, որն էլ հանգեցրել է ամբարձիչ ուժի կորստին և ինքնաթիռի անկմանը: Թե որն է խափանման պատճառը, աղբյուրը չի հայտնել:
Այս տեղեկությունը պաշտոնապես դեռ չի հաստատվել:
