Փոխարժեք՝
486.3
$
515.5
8.37

Ռոբերտ Քոչարյանի գրասենյակը հայտարարություն է տարածել

Դեկտեմբերի 22-ի մամուլում լուր էր հրապարակվել, թե պաշտպանության նախկին նախարար Սեյրան Օհանյանի մուտքը քաղաքականություն և ամբողջական օրակարգը համակարգելու է 2-րդ նախագահ Ռոբերտ Քոչարյանը: Սեյրան Օդանյանը, ըստ այդ հրապարակման, «Հանդես է գալու, որպես պրոքոչարյանական բոլոր քաղաքական ուժերի և գործիչների միավորման առանցք»:

Այս առիթով հետևյալ հայտարարությամբ է հանդես եկել Ռոբերտ Քոչարյանի գրասենյակի ղեկավար Վիկտոր Սողոմոնյանը:

«Այսօր մամուլում շրջանառության մեջ է դրվել մի տեղեկություն, համաձայն որի պաշտպանության նախկին նախարար Սեյրան Օհանյանի գործողությունները իբր ուղղորդվում են ՀՀ երկրորդ նախագահ Ռոբերտ Քոչարյանի կողմից: Այդ տեղեկությունը բացարձակապես հիմնազուրկ է և չի համապատասխանում իրականությանը: Ակնհայտ է, որ նման «լուրեր» հորինողները, ովքեր, ցավոք սրտի, շարունակում են գործել հասարակական կարծիքի ձևավորման տիրույթում, ոչ միայն անառողջ երևակայություն ունեն, այլև խորապես ստրկամիտ են: Նրանք ոչ մի կերպ չեն կարողանում հավատալ, որ մեծ ճանապարհ անցած մարդիկ կարող են առաջնորդվել բացառապես սեփական որոշումներով»:

loading...
Loading...
website by Sargssyan