Հենրիխ Մխիթարյանի գոլը՝ ամսվա լավագույն գոլերի թվում

AV VIDEO-ն ներկայացրել է նախորդ ամսվա 25 լավագույն գոլերը: Ցուցակում տեղ է գտել նաեւ Հայաստանի ազգային հավաքականի ավագ Հենրիխ Մխիթարյանի շքեղ գոլը Գվատեմալայի դեմ Լոս Անջելեսում կայացած ընկերական խաղում:

Հիշեցնենք, որ ամերիկյան հավաքի ընթացքում Հայաստանի հավաքականն ընկերական խաղերում հաղթել էր Գվատեմալային (7։1) եւ Էլ Սալվադորին (4։0): Գվատեմալայի նկատմամբ 7:1 հաշվով հաղթանակն ամենախոշորն էր հայկական թիմի պատմության մեջ: Մինչեւ ամերիկյան հավաքի խաղերը Հայաստանի հավաքականը հաղթանակ չէր տարել 14 հանդիպում անընդմեջ՝ սահմանելով թիմի պատմության հակառեկորդ: