Նախագահը վաղը կհանդիպի «Հայրենիքի փրկության շարժման» ղեկավարների հետ

Նախագահ Արմեն Սարգսյանը վաղը նորից կհանդիպի «Հայրենիքի փրկության շարժման» ղեկավարների հետ, այս մասին Բաղրամյան պողոտայում հրավիրված հանրահավաքի ժամանակ հայտնել է ՀՅԴ Գերագույն մարմնի ներկայացուցիչ Իշխան Սաղաթելյանը։

«Մենք տեղեկացանք, որ նախագահը վաղը կրկին շարժման ղեկավարների հետ հանդիպում է խնդրել։ Ձեր բոլորի անունից կդիմենք նախագահին»,-ասել է նա։

Նա դիմել է նախագահին՝ ասելով․

«Պարո՛ն նախագահ, Դուք ունեք անհատական և ամբողջական պատասխանատվություն մեր երկրում ստեղծված իրավիճակի համար, պարտավոր եք կանգնել Սահմանդրության գլխին և մինչև երկուշաբթի շատ հստակ դիմել ՍԴ՝ հակասահմանադրական ճանաչելով ԳՇ պետի պաշտոնանկությունը, հակառակ դեպքում՝ Դուք անձամբ պատասխանատվություն ունեք երկրում ստեղծված իրավիճակի և հետագա ելքի համար»։