Երևանն ու Բաքուն բացել են ճանապարհները Ռուսաստանի համար․ արդյո՞ք Հայաստանն ու Ադրբեջանը կլինեն ցանկալի զբոսաշրջիկների համար
ՀԱՍԱՐԱԿՈՒԹՅՈՒՆkommersant.ru-ն գրում է, որ Ռուսաստանը վերսկսել է կանոնավոր թռիչքները Հայաստանի ու Ադրբեջանի հետ: Յուրաքանչյուր երկրի ավիաընկերությունները կարողացան շաբաթական երկու թռիչք կատարել Մոսկվա-Բաքու երթուղով և չորսը Մոսկվա-Երևան երթուղով: Մարդիկ կարող են Հայաստան հասնել ինչպես ցամաքային, այնպես էլ օդային ճանապարհով, երկիրը բաց է զբոսաշրջիկների համար: Բոլոր ժամանողները պետք է ունենան բացասական PCR թեստ COVID-19-ի համար, որը պետք է կատարվի ժամանումից ոչ ավելի, քան 72 ժամ առաջ: Վկայագիրը կարող է լինել ռուսերեն, հայերեն կամ անգլերեն: Թեստ կարելի է հանձնել օդանավակայանում, բայց այդ դեպքում ուղևորը ստիպված կլինի ինքնամեկուսանալ:
Հայաստանը ռուս ճանապարհորդների շրջանում ամենատարածված ուղղությունների շարքում է, չնայած տոմսերի զգալիորեն թանկացմանը։ Ըստ Biletix.ru համացանցային ծառայության ներկայացուցիչ Գրիգորի Լուգովոյի` «Հունվար-փետրվար ամիսներին Ռուսաստանից դեպի Հայաստան ավիատոմսերի ամրագրումը եղել է 26 %, մինչդեռ նախորդ տարվա նույն ժամանակահատվածի համար դա եղել է ընդամենը 9%: Միևնույն ժամանակ, աճել է նաև թռիչքների արժեքը: Եթե նախորդ տարի այն կազմել է 9,2 հազար ռուբլի, ապա այս տարի այն արդեն 12,5 հազար ռուբլի էր, այսինքն ՝ աճը կազմել է 35%: Եվ չնայած դրան Հայաստանը շատ սիրված էր: Ստամբուլից հետո բոլոր օտարերկրյա ուղղությունների շարքում Երևանը երկրորդ տեղում է: Ամրագրումների մեծ մասը գալիս է Մոսկվայից, Դոնի Ռոստովից և Կրասնոդարից: Ադրբեջանը շատ սիրված չէ, այսինքն Բաքուն ներկայումս նույնիսկ 10 ամենահայտնի ուղղությունների մեջ չէ: Ընդհանուր առմամբ, պետք է ասել, որ այդ տարածաշրջանում առավելագույն ժողովրդականություն է վայելում հենց Հայաստանը, երկրորդ տեղում Վրաստանն է, իսկ վերջում արդեն Ադրբեջանը»:
Ադրբեջանական ավիաուղիները նախատեսում են չվերթներ սկսել դեպի Մոսկվա փետրվարի 17-ից: Մինչ այժմ միայն դիվանագետները, ուսանողները և կացության թույլտվություն ունեցող օտարերկրացիները կարող էին մուտք գործել երկիր: Բոլոր ժամանողները պետք է անցնեն երկշաբաթյա կարանտին, և անցնեն PCR թեստ, որը վավեր է մեկնումից 48 ժամ առաջ: Սակայն մուտքի սահմանափակումները վերացնելուն պես Բաքուն կգտնվի տուրիստական ուղղությունների առաջին շարքում։ OneTwoTrip տուրիստական ծառայության մարկետինգի տնօրեն Ալեքսեյ Տեպլովը չի կասկածում դրանում.
«Ինչպես եղել է անցյալ տարի, մարդկանց հետաքրքրությունը փոխվել է դեպի բաց ուղղությունները: Մարդկանց մեծ մասը, ըստ էության, չի հետաձգել արձակուրդը, բայց այնուամենայնիվ ճանապարհորդել է երկրի ներսում: Հետևաբար, իհարկե, ցանկացած բաց ուղղություն այժմ կգրավի այն զբոսաշրջիկներին, որոնք նախկինում դա չեն համարել հանգիստ: Ավելի մեծ չափով մարդիկ են թռչելու Բաքու, իսկ այնտեղից էլ այլ վայրեր»:
Նյութը հրապարակման պատրաստեց Կամո Խաչիկյանը