Բարսեղյանը գոլի և գոլային փոխանցման հեղինակ է դարձել ընկերական խաղում

Ղազախական «Աստանան» ձմեռային հավաքի շրջանակում ընկերական հանդիպում է անցկացրել ռուսական «Չայկայի» հետ և 2-1 հաշվով հաղթանակ է տարել:

«Աստանայի» կազմում գոլի և գոլային փոխանցման հեղինակ է դարձել Հայաստանի ազգային հավաքականի ֆուտբոլիստ Տիգրան Բարսեղյանը: Հայ ֆուտբոլիստը մասնակցել է ամբողջ հանդիպմանը:

Ամբողջական հանդիպում է անցկացրել նաև ազգային հավաքականի պաշտպան Վարազդատ Հարոյանը, որը մոտ ժամանակներս կարող է պայմանագիր կնքել ղազախական ակումբի հետ: