Փոխարժեք՝
475.8
$
529
7.57

Ինչպե՞ս են ուժայինները օգտագործում ռուս գողականներին արտասահմանում

ura.news-ը գրում է, որ Ռուսաստանի անվտանգության աշխատակիցները կօգտագործեն հակագողական օրենքը քրեական հեղինակություններին արտերկիր ուղարկելու համար, որոնք կգլխավորեն տեղի գողական համայնքները: Այս մասին URA.RU- ին հայտնել է քրեական շրջանակներին մոտ կանգնած աղբյուրը:
 
«Հակագողական հոդվածը անհրաժեշտ է ուժային կառույցներին օրենքով գողերին այլ երկրներ ուղարկելու համար: Այսինքն նրանք իրականում այնտեղ կգտնվեն որպես դեսպաններ քրեական ԱԳՆ-ի ներքո »,- ասել է աղբյուրը:
 
Ըստ նրա՝ նման քայլի օրինակ է օրենքով գող Էդիկ Օսետրինա մականունով Էդուարդ Ասատրյանի պատմությունը: Նա հնարավորություն է ստացել գործունեություն ծավալել ինքնահռչակ Դոնեցկի ժողովրդական հանրապետության տարածքում ՝ ռեգիոնի ղեկավարի Ալեքսանդր Զախարչենկոյի սպանությունից հետո:
 
Քրեական և բանտային մշակույթի մասնագետ, լրագրող Ալեքսանդր Սիդորովը (Ֆիմա Ժիգանեց) URA.RU- ին տված հարցազրույցում վստահեցրել է, որ հակագողական հոդվածի ներդրման պատճառով Ռուսաստանի Դաշնության քրեական հեղինակությունները կարող են բարձր պաշտոններ զբաղեցնել արտասահմանում գործող քրեական համայնքներում:
 
«Գողերը կմեկնեն արտերկիր, եթե նման հնարավորություն լինի, նրանք կվերահսկեն այնտեղի հանցավոր համայնքի մի մասը», - ասել է Սիդորովը:
 
Նա նաև նշել է, որ օրենքով գողերը միևնույն ժամանակ կարող են շարունակել ղեկավարել ռուսական հանցագործ աշխարհը արտերկրից, ընդ որում բազմաթիվ քրեական հեղինակություններ ներկայումս էլ գտնվում են Ռուսաստանի սահմաններից դուրս անգամ առանց հակագողական հոդվածի գործելու:
 
Ավելի վաղ փորձագետ, «Ռուս գանգստերի խոստովանությունները» գրքի հեղինակ Միխայիլ Օրսկին ասել է, որ քրեական հեղինակությունները կարող են արտագաղթել Թուրքիա և Հունաստան: Փորձագետը համոզված է, որ նրանք կհաստատվեն նաև Հայաստանում:
 

Նյութը հրապարակման պատրաստեց Կամո Խաչիկյանը

www.1or.am 

website by Sargssyan