Արցախի ՆԳ նախարար է նշանակվելու Կարեն Սարգսյանը. WarGonzo

Արցախի Հանրապետության Ներքին գործերի նախարար է նշանակվելու արտակարգ իրավիճակների պետական ծառայության գործող ղեկավար Կարեն Սարգսյանը: Այս մասին հայտնում է ռուսական WarGonzo նախագիծը:

Հիշեցնենք, որ Արցախի խորհրդարանը հունվարի 22-ին քվեարկել և ընդունել է օրենք, համաձայն որի` Արցախի Հանրապետության արտակարգ իրավիճակների պետական ծառայությունը և ոստիկանությունը ներառելու են  մեկ միասնական մարմնի՝ Ներքին գործերի նախարարության կազմում: