Փոխարժեք՝
475.8
$
529
7.57

Փաշինյանի Հ1-յան Հայաստանը

Ամեն ինչ մանիպուլացնելով և ժողովրդի աչքին թոզ փչելով ու նրա ուսերի վրայով իշխանության եկած Նիկոլ Փաշինյանի հագով եկավ գերվարչապետության այն թիկնոցը, որ կարվել էր նախորդի համար: Եվ դա այն դեպքում, երբ, որպես ընդդիմադիր պատգամավոր, Փաշինյանը քննադատում էր այդ երեւույթը: Սակայն, ի տարբերություն իր նախորդի, որը, այսպես կոչված, «հակաժողովրդական իշխանություն» էր ներկայացնում, Նիկոլը «ժողովրդավարության բաստիոն» էր կառուցում: Տրամաբանությունը հուշում է, որ հակաժողովրդական գերվարչապետության թիկնոցը չպետք է ընդունելի լիներ «ժողովրդի իշխանության» ղեկավարի համար, սակայն Նիկոլը, թքած ունի նման անկարևոր բաների վրա: Չմոռանանք, որ ՀՀ ընդդիմադիր օրաթերթի գլխավոր խմբագիր ու որպես ընդդիմադիր գործիչ քաղաքականություն մուտք գործած Փաշինյանի «հոգին փառավորվում էր», երբ մարտի 1-ի ցուցարարները ոստիկաններից բռնությամբ խլում էին դրանց վահաններն ու մահակները:

«Ժողովրդի իշխանության» գերվարչապետ Փաշինյանը Երևանում երթևեկում է անվտանգության մի քանի տասնյակ աշխատակիցների ուղեկցությամբ: Ի դեպ, վերջինիս ընդդիմադիր օրաթերթը ժամանակին մի քանի անգամ նկարել և տեսանկարել է իր նախորդի ավտոշարասյունը, այսօր ինքն ավելի մեծ շարասյունով է երթևեկում: Ժամանակին խորհրդարանի ընդդիմադիր պատգամավոր Փաշինյանն իրավացիորեն քննադատում էր նախորդ իշխանության կողմից բյուջեի վատնումները, իսկ «ժողովրդի իշխանության» գերվարչապետը պարգևավճարներ է հատկացնում իր ենթականերին, որպեսզի նրանք «կոռուպցիայով չզբաղվեն» (Փաշինյանի բառերն են): Չնայած, եթե չեմ սխալվում, շարքային մարդկանց ուսերի վրայով գալով իշխանության՝ Փաշինյանն ու իր թիմը պարտավորվեցին ծառայել ՀՀ-ին որպես նվիրյալներ:

Ըստ էության, նախկինների օրոք երկրում ծաղկում էր իմիտացիան՝ իրական աշխատանքի փոխարեն դրա իմիտացիոն գործընթացը: Դրանով երկիր չես զարգացնի, սակայն մարդկանց կարող ես խաբել մի որոշ ժամանակ: Ենթադրվում էր, որ 2018-ի ապրիլյան իրադարձություններից հետո վարչապետ նշանակված Նիկոլ Փաշինյանը պետք է վերջ տար այդ վարքագծին և գրագետ ու բանիմաց աջակիցներով համալրված թիմի միջոցով երկիրը տաներ դեպի իրական զարգացում: Սակայն պարզվեց, որ իմիտացիան ու դրա զուգընկեր պոպուլիզմը դարձան հայաստանյան «ժողովրդավարության» անխափան ուղեկիցը: Նույն բախտին արժանացան նաև թիմի մասին երազանքները. ի դեպ, նախկինների օրոք մի քանի օդիոզ դեմքերի հետ միասին վարչակազմում գործում էին արհեստավարժ մասնագետներ, իսկ «ժողովրդի իշխանության» պայմաններում այդպիսիք համարյա բացակայում են:

Անդրանիկ Կիրակոսյան

www.1or.am 

website by Sargssyan