Փոխարժեք՝
475.8
$
529
7.57

Շուտով հայտնի կդառնա թե ով կլինի Հանրայինի տնօրենը

Հանրային հեռուստաընկերության գործադիր տնօրենի թափուր պաշտոնի համալրման նպատակով փաստաթղթերի ընդունման ժամկետն ավարտվել է։ Հայտնի են թեկնածուների անուններն, որոնք 13-ն են: Նրանցից 4-ը աշխատում են Հանրային հեռուստաընկերությունում, մեկը նախկինում աշխատել է «Շիրակի հանրային հեռուստառադիոընկերություն»-ում, 2 թեկնածու «ԱՐ» հեռուստաընկելությունից է, մեկ թեկնածու «Պանարմենիան Մեդիա Գրուպ» ընկերություններից, 3 թեկնածու ներկայացնում են այլ մասնավոր ընկերություններ, մեկը՝ ՀՀ վարչապետի աշխատակազմի «Հանրային կապերի և տեղեկատվության կենտրոն»-ը: Ինչպես նաև մեկ թեկնածու՝ Հ2 հեռուստաընկերությունը:

Համաձայն մրցույթի սահմանված կարգի՝ մրցութային հանձնաժողովը պարտավոր է 5 աշխատանքային օրվա ընթացքում ուսումնասիրել ներկայացված փաստաթղթերը և որոշում կայացնել մրցույթում հաղթող ճանաչելու մասին։

Կարգի համաձայն, անհրաժեշտության դեպքում հանձնաժողովը կարող է մրցույթի մասնակիցների հետ անցկացնել հարցազրույց։ Թե ո՞վ կդառնա հաղթողը պարզ կդառնա մի քանի օրից, բայց մեկ բան հստակ է, որ ընտրությունը պետք է կայանա ոչ թե փակ դռների հետևում, այլ իրականացվի հնարավորինս թափանցիկ պայմաններում: Այլապես, հերթական անգամ ականատես կդառնանք հին սցենարների նորարարական կատարումներին՝ դրանից բխող բազմաթիվ հետևանքներով:

Արմեն Դանիելյան

www.1or.am

website by Sargssyan