Փոխարժեք՝
475.8
$
529
7.57

Հայտնի է նյարդային համակարգն ամրացնող մթերքը

Բանանի չափավոր քանակությամբ կանոնավոր օգտագործումը դրական ազդեցություն է թողնում սրտի աշխատանքի վրա և ամրացնում է նյարդային համակարգը: Այս մասին «Քաղաքային նորությունների գործակալություն «Մոսկվա»-ին հայտնել է Սեչենովի համալսարանի անհատականացված բժշկության ինստիտուտի առողջության կառավարման կլինիկայի բժշկուհի-սննդաբան Նատալիա Պուգաչյովան:

Բժշկուհին հիշեցրել է, որ բանանները պարունակում են կալիում, մագնեզիում, մանգան և պղինձ: Կալիումը և մագնեզիումն անհրաժեշտ են սրտի բնականոն աշխատանքի համար, բացի դրանից, նրանք նպաստում են զարկերակային ճնշման կարգավորմանը: Պղինձն օգնում է հեմոգլոբինի և կոլագենի սինթեզին, ինչպես նաև նպաստում է վնասակար նյութերի դետոքսիկացիային: Մանգանը, ինչպես նշել է մասնագետը, կարևոր է էներգիական փոխանակության համար:

Բանանը պարունակում է նաև մեծ քանակությամբ վիտամին B6: Դրա մասին Պուգաչյովան ասել է. «Այս վիտամինը կարևոր է նյարդային համակարգի առողջության, արյունաստեղծման, անտիօքսիդանտային պաշտպանության համար»:

Սննդաբանը խորհուրդ է տալիս ուտել թեթևակիորեն անհաս բանաններ. դրանք հարուստ են կայուն օսլայով, պեկտինով և սննդային մանրաթելերով, որոնք օգտակար են աղիների առողջության պահպանման համար, ինչպես նաև աթերոսկլերոզի և շաքարային դիաբետի դեպքում: Միևնույն ժամանակ, մասնագետը կոչ է անում այս մրգի օգտագործման մեջ պահպանել չափավորությունը. նրա կալորիականությունը շատ բարձր չէ, սպիտակուցներ և ճարպեր այն չունի, բայց ածխաջրերը մոտ 40 գրամ են կազմում: Դեղին բանաններում ավելի շատ գլյուկոզա և ֆրուկտոզա է պարունակվում, բացի դրանից, դրանք արագ են հագեցնում քաղցը: Առանց օրգանիզմին վնաս հասցնելու՝ նստակյաց կենսակերպով և ավելորդ քաշով մարդիկ 2-3 շաբաթվա ընթացքում կարող են իրենց թույլ տալ օրական 1, իսկ մարզիկները՝ օրական 2-3 բանան:

Նյութը հրապարակման պատրաստեց Լիլիթ Ամիրաղյանը

www.1or.am

website by Sargssyan