Սեպտեմբերի 12-ը Հելունագործության միջազգային օրն է

Սեպտեմբերի 12-ը հելունագործության միջազգային օրն (International Crochet Day) է համարվում։

Հելունագործությունը ստեղծվել է 19-րդ դարի սկզբին։ Առաջին հելունները եղել են պարզունակ կեռ ասեղներ՝ խցանների մեջ ցցված։ Դրանցից օգտվել են աղքատները, իսկ հարուստները օգտագործել են փղոսկրից պատրաստված հելուններ։

Շատերը համարում են, որ հելունագործությունն ավելի հետաքրքիր ու հեշտ է, քան շյուղերով գործելը, քանի որ հելունի դեպքում կարելի է ավելի բարակ թելեր օգտագործել ու ավելի արագ գործել։ Այսօր հելունագործությունը շատ պահանջված է։

Տոնը նշվում է ֆլեշմոբների, մաստեր կլասների, ցուցադրությունների անցկացմամբ, ինչպես նաեւ սոցցանցերում լուսանկարների փոխանակմամբ: