Ֆեդերերը վերսկսել է մարզումները ծնկի վիրահատությունից հետո

Թենիսի «Մեծ սաղավարտի» մրցաշարերի 20-ակի հաղթող Ռոջեր Ֆեդերերը վերսկսել է մարզումները, հաղորդում է Tages Anzeiger-ը։ Շվեյցարացի թենիսիտը ծնկի վիրահատության էր ենթարկվել փետրվարին եւ մտադիր էր մասնակցել ամռանը նախատեսված խոտածածկով մրցաշարերին, սակայն կորոնավիրուսի համավարի պատճառով դրանք չեղարկվեցին։

Հունիսին 39-ամյա մարզիկը աջ ծնկին լրացուցիչ վիրահատական միջամտության էր ենթարկվել եւ ժամանակից շուտ ավարտել մրցաշրջանը։

Ֆեդերերը մտադիր է մասնակցել Ավստրալիայի բաց առաջնությանը, որը նախատեսված է 2021թ․ հունվարին։