«Չելսին» համաձայնության է եկել «Ռենի» դարպասապահի հետ

Լոնդոնի «Չելսին» մոտ է ընթացիկ տրանսֆերային պատուհանի ընթացքում հերթական տեղափոխությունն իրականացնելուն, հայտնում է Sky Sport Italia-ն:

«Չելսին» անձնական պայմանագրի կետերի հարցում վերջնական համաձայնության է եկել ֆրանսիական «Ռենի» սենեգալցի դարպասապահ Էդուարդ Մենդիի հետ և այժմ փորձում է համաձայնության հասնել ֆրանսիական ակումբի ղեկավարության հետ:

Նշվում է, որ 28-ամյա Մենդիի տեղափոխության դիմաց «Չելսին» «Ռենին» կվճարի շուրջ 25 միլիոն եվրո:

Էդուարդ Մենդիի պայմանագիրը ֆրանսիական ակումբի հետ նախատեսված է մինչև 2023 թվականի հունիս: