«Բարսելոնան» պատրաստ է խզել Ումտիտիի պայմանագիրը

Կատալոնական «Բարսելոնայի» ղեկավարությունը քննարկում է թիմի կենտրոնական պաշտպան Սամուել Ումտիտիի պայմանագիրը խզելու տարբերակը: 

Cadena SER-ի հաղորդմամբ՝ ոչ մի ակումբ չի դիմել «Բարսելոնային» Ումտիտիին ձեռք բերելու նպատակով, սակայն Իսպանիայի փոխչեմպիոնի ղեկավարությունը չի ցանկանում թիմում պահել ֆրանսիացի պաշտպանին:

Ավելի վաղ հայտնի էր դարձել, որ «Բարսելոնան» պատրաստ է անվճար հրաժարվել նաև ուրուգվայցի հարձակվող Լուիս Սուարեսի և չիլիացի կիսապաշտպան Արտուրո Վիդալի ծառայություններից:

Սամուել Ումտիտիի պայմանագիրը «Բարսելոնայի» հետ նախատեսված է մինչև 2023 թվականի հունիս: