Լեգենդար թենիսիստներն ավարտեցին կարիերան

Զուգախաղում հանդես եկող ամերիկացի թենիսիստներ Բոբ և Մայք Բրայան եղբայրները հայտարարել են կարիերան ավարտելու մասին, տեղեկացնում է New York Times-ը:

42-ամյա երկվորյակ եղբայրները թենիսի պատմության ամենահաջողակ զույգն են: Նրանք «Մեծ սաղավարտի» մրցաշարերի 16-ակի հաղթող են, իսկ ATP շարքի մրցաշարերում նվաճել են 119 տիտղոս:

2012-ին Բրայան եղբայրները ոսկե մեդալ են նվաճել Լոնդոնի Օլիմպիական խաղերում: Զուգախաղում ATP-ի վարկանիշային ցուցակը նրանք գլխավորել են 438 շաբաթ: