Թանգարանի նորանշանակ տնօրենը անակնկալ էր պատրաստել առաջին այցելուի համար

Համավարակի պատճառով երկար դադարից հետո իրենց դռներն են բացել թանգարանները և գրադարանները: Հայաստանի պատմության թանգարանի նորանշանակ տնօրենը անակնկալ էր պատրաստել առաջին այցելուի համար:

Անակնկալը մատուցելու համար, սակայն, երկար պետք չեղավ սպասել: Առաջին այցելուն թանգանարի աշխատանքը սկսելու հենց առաջին օրը այցելեց թանգարան և բավական տպավորված դուրս եկավ թանգարանից:

Հաստատությունն ուրախությամբ ընդունել է նաև իր բոլոր մյուս այցելուներին՝ պահպանելով պարետի կողմից սահմանված համապատասխան բոլոր ցուցումները:

Առաջին այցելուի համար պատրաստված անակնկալ նվերը` կատալոգ, նորանշանակ տնօրեն Դավիթ Պողոսյանը անվանական մակագրությամբ հանձնել է և շնորհակալություն հայտնել թանգարան այցի համար: Նա նաև նշել է, որ ուրախ կլինի կրկին տեսնել նրան թանգարանում։

Այցելուն նույնպես շնորհակալական խոսք է ուղղել թանգարանի ողջ անձնակազմին և հավելել, որ առաջին անգամն էր այցելում և շատ տպավորված է հեռանում թանգարանից:

Արմինե Գրիգորյան

http://1or.am/