Ֆրանսիայիում անտառային խոշոր հրդեհ է բռնկվել

Ֆրանսիայում, Միջերկրական ծովի ափին գտնվող Մարտիգ քաղաքի մոտակայքում բռնկված անտառային հրդեհի արդյունքում տարհանվել է 2700 մարդ: Այս մասին հայտնում է Վեստին:

Օդի ջերմաստիճանը, երաշտը և ուժեղ քամիները նպաստել են հրդեհի արագ տարածմանը: Քամու արագությունը հասնում է մինչև 90 կմ/ժ։ Տեղում աշխատում է շուրջ 1800 հրշեջ, նրանցից 14-ը վիրավորվել է։

Նշվում է, որ հրդեհը վնաս է հասցրել մոտ հազար հա տարածքի, այրվել են մի քանի բնակելի շենքեր։