Չկա լավ ապագա, եթե լավ չգիտենք ու լավ չենք գնահատում մեր անցյալն ու ներկան. Միհրան Հակոբյան

Հրանտ Մելիք-Շահնազարյանի հետ այցելել ենք Տավուշի մարզում գտնվող խոնարհված մատուռներից մեկը: Եթե ուզում ենք լավ երկիր ունենալ, լավ հասարակություն ունենալ, լավ ապագա ունենալ ու լավ ապրել, ապա պետք է կարողանալ անցյալը ճիշտ և օբյեկտիվորեն ընկալել:

Չկա լավ ապագա, եթե լավ չգիտենք ու լավ չենք գնահատում մեր անցյալն ու ներկան: Չկա լավ ապագա, եթե ատամներով չենք կառչում մեր պատմության լավագույնից, չենք պահպանում այն, ինչ մեզ 21-րդ դար է հասցրել ու մեր ունեցած լավագույնը չենք զարգացնում: Սա մշտնջենական պայքար է, որի առաջամարտիկը միշտ էլ փոքրաթիվ մարդիկ են եղել:

Թվաքանակով քիչ, բայց խնդիրը լուծել են: Համոզված եմ` հիմա էլ հաղթելու ենք, մեր ունեցած լավագույնը պահպանելու ենք ու զարգացնելու ենք:

Միհրան Հակոբյան