Ալիեւ. Փորձում են մեզ հարկադրել ճանաչել Լեռնային Ղարաբաղը

Ադրբեջանի նախագահ Իլհամ Ալիեւը ղարաբաղյան հակամարտության կարգավորման հարցի շուրջ հատկանշական հայտարարություն է արել:

«Փակ դռների հետեւում մեզ վրա ճնշում են գործադրում՝ նպատակ ունենալով հարկադրել ճանաչել Լեռնային Ղարաբաղի անկախությունը: Մենք բազմաթիվ մանրամասներ չենք բացահայատում, քանի որ դիվանագիտության կանոններ կան: Ադրբեջանը երբեք չի համաձայնի դրան»,- Նախարարների կաբինետի նիստում հայտարարել է Ալիեւը:

Ըստ haqqin.az-ի՝ նա նշել է, որ «Ադրբեջանի դեմ այդ հարցում ակտիվ արշավ են սկսել»:

«Քանի դեռ մենք իշխանության գլուխ ենք, Ադրբեջանը երբեք դրան չի համաձայնի»,- հայտարարել է Ալիեւը՝ խոստանալով «վերականգնել տարածքային ամբողջականությունը»: