Հակաճգնաժամային կառավարություն ձեւավորելն ապակառուցողական առաջարկ է. Մարուքյան
ՔԱՂԱՔԱԿԱՆՈՒԹՅՈՒՆԻշխանությունը ձախողել է գրեթե բոլոր ոլորտներում, բայց ժողովրդից 5 տարվա մանդատ ունի ստացած եւ պետք է իր տված խոստումները կատարի: Այս մասին, այսօր՝ մայիսի 26-ին, ԱԺ-ում լրագրողների հետ զրույցում նշեց «Լուսավոր Հայաստան» խմբակցության ղեկավար Էդմոն Մարուքյանը:
«Ասել, որ չստացվեց խոստումները կատարել, դե մենք գնացինք, դա արդար չի: Իրենք պետք է կատարեն խոստումները: Մենք դրա համար ենք այստեղ»,-ասաց նա:
Ինչ վերաբերում է հակաճգնաժամային կառավարություն ձեւավորելու առաջարկին, ԼՀԿ ղեկավարն ասաց. «Չեմ կարծում, որ ինչ-որ մեկը կա, որ այս մեծամասնության հետ պատրաստ է կառավարությունում աշխատել. ես ինքս չեմ պատրաստվում, դա ապակառուցողական առաջարկ է»:
