Ոստիկանների բացատրական աշխատանքի արդյունքում զինամթերք է հանձնվել (տեսանյութ)

Ոստիկանության Աշտարակի բաժնի քրեական հետախույզների բացատրական աշխատանքի շնորհիվ ապրիլի 28-ին Ուջան գյուղի մի բնակիչ հանձնել է տարբեր տրամաչափի 237 փամփուշտ, «Ջ-1» տեսակի 1 նռնակ՝ առանց պայթուցիչի, նռնակի 6 պայթուցիչ և հակատանկային նռնականետի 1 նռնակ:
Նա հայտնել է, որ հայտնաբերվածը գտել է հայրական տան տանիքում մաքրման աշխատանքներ կատարելիս՝ նշելով, որ զինամթերքը պատկանել ԼՂՀ ինքնապաշտպանական մարտերին մասնակցած հանգուցյալ եղբորը:
Նշանակվել է փորձաքննություն:
Նախապատրաստվում են նյութեր: