Արտաշատի վերապրոֆիլավորված ԲԿ-ին Արգամ Աբրահամյանը 4 միլիոն դրամ ֆինանսական աջակցություն է տրամադրել

Արտաշատի նախկին քաղաքապետ, նախկին պատգամավոր Արգամ Աբրահամյանը ֆեյսբուքյան իր էջում գրել է

«Հանրապետության նոր կորոնավիրուսային իրավիճակով պայմանավորված՝ Արտաշատի բժշկական կենտրոնը վերապրոֆիլավորվել և սպասարկում է միայն կորոնավիրուսային հիվանդությամբ հաստատված պացիենտներին:

Հաշվի առնելով ստեղծված ծանր իրավիճակը՝ որոշում եմ կայացրել 4.000.000 դրամ ֆինանսական աջակցություն տրամադրել Արտաշատի բժշկական կենտրոնին:

Առողջություն եմ մաղթում բոլորիդ»:

Հիշեցնենք, որ օրեր առաջ Արգամ Աբրահամյանը  5 միլիոն դրամ էր փոխանցել կորոնավիրուսի տարածման դեմ պայքարի համար: