Ֆրանսիայում 92 հազար մարդ է տուգանվել կարանտինի խախտման համար
ՄԻՋԱԶԳԱՅԻՆՀինգ օրվա ընթացքում Ֆրանսիայի ոստիկանությունը 92 հազար տուգանք է դուրս գրել ինքնամեկուսացման ռեժիմը խախտած բնակիչներին:
«Դուք չեք կարող առանց հարգելի պատճառի դուրս գալ տնից, նույնիսկ` ցայտուն ախտանիշների բացակայության դեպքում»,- պարզաբանել է քաղաքացիական անվտանգության եւ ճգնաժամերի կարգավորման վարչության ղեկավար Ալեն Տիրիոնը:
Հիշեցնենք, որ մարտի 17-ին Ֆրանսիայի իշխանությունները հայտարարել էին երկրում խիստ կարանտինի սահմանման մասին: Բնակիչներին արգելվում է դուրս գալ տնից` առանց հատուկ անհրաժեշտության: Եթե մարդը, այնուամենայնիվ, լքել է իր բնակության վայրը, ապա պետք է իր հետ լրացված հայտ ունենա, որում նշված է տնից դուրս գալու նպատակը եւ այն վայրը, ուր նա գնում է: Հակառակ դեպքում, քաղաքացուն 135 եվրո տուգանք է սպառնում: Կրկնակի խախտման դեպքում պատիժն ավելի խիստ է` 1500 եվրո:
Վերջին տվյալների համաձայն` Ֆրանսիայում կորոնավիրուս է հայտնաբերվել արդեն 16 հազար մարդու մոտ, մահացել է 674 մարդ, հայտնում է ՏԱՍՍ-ը:
