Շիրակի մարզում 3 քաղաքացուց նմուշառում է կատարվել. նրանցից 2-ը մեկուսացված են

Շիրակի մարզում այս պահին 3 քաղաքացուց նմուշառում են կատարել, մինչեւ կեսօր պատասխանը հայտնի կլինի: Այս մասին NEWS.am-ի հետ զրույցում ասաց Շիրակի մարզպետ Տիգրան Պետրոսյանը:

Նա նշեց, որ նմուշառում կատարված քաղաքացիներից 2-ը Բավրայի անցակտում այժմ մեկուսացված են, նրանք բեռբնատարի վարորդներ են, իսկ երրորդ քաղաքացին հիվանդությանը բնորոշ ախտանշաններ է ունեցել եւ նմուշառում է կատարվել, սակայն նա մեկուսացված չէ այս պահին:

Մարպետը հավելեց, որ մարզում այլ դեպքեր առայժմ չկան:

Ավելի վաղ հայտնել էինք, որ Բավրա անցակետը հատելիս երկու օտարերկրյա քաղաքացի մեկուսացվել է՝ կորոնավիրուսի տարածման դեմ պայքարի կանխարգելիչ միջոցառումների շրջանակներում: