Ճգնաժամը ձեր ուղեղներում է․ Շարմազանով
ՊԱՏՄՈՒԹՅԱՆ ԱՅՍ ՕՐԸՀՀԿ խոսնակ Էդուարդ Շարմազանովը իր ֆեյսբուքյան էջում գրել է․
«Ժողովրդավարության բաստիոնի» խայտառակ նվաճումները։
Վերջին 10 օրվա ընթացքում «Ժողովրդավարության բաստիոն» հռչակած մեր պետությունն ապտակն ապտակի հետևից է ստանում միջազգային հեղինակավոր կազմակերպություններից՝ ի շնորհիվ Փաշինյանի ռեժիմի հակաժողովրդավարական քաղաքականության։
Եվ այսպես։
■ Կենտրոնամետ դեմոկրատների միջազգային միությունը, որի անդամ են աշխարհի 70 երկրներ ներկայացնող խոշոր կուսակցություններ, խիստ քննադատել է ՍԴ նախագահ Հրայր Թովմասյանի նկատմամբ իրականացվող ճնշումները։
■ ԵխԽվ համազեկուցողներն իրենց անհանգստությունն են հայտնում ՍԴ-ի դեմ իրականացվող լարվածության և ճնշումների առիթով։
■ Վենետիկի հանձնաժողովի նախագահը ուղղակի "դեղին" քարտ է ցույց տալիս ՀՀ իշխանություններին ու նշում,որ պետք է բացառել ճնշումները ՍԴ դատավորների վրա։
Եվ այսքանից հետո Փաշինյանի սազանդարները խոսում են ինչ որ ՍԴ ճգնաժամի մասին։
Պարոնայք,ճգնաժամը ձեր մեջ է,ձեր իշխանությունում և իհարկե՝ ձեր ուղեղներում։
Բավական է խաղալ պետության հեղինակության հետ։
