Ջոկովիչը գլխավորում է վարկանիշային աղյուսակը

Սերբ թենիսիստ Նովակ Ջոկովիչը գլխավորեց ATP վարկանիշային աղյուսակը:

Դասակարգման նոր աղյուսակում Ջոկովիչին հաջորդում է Ռաֆայել Նադալը, իսկ Ռոջեր Ֆեդերերը երրորդն է: Լավագույն 10-յակում են նաև Դոմինիկ Տիմը, Դանիիլ Մեդվեդևը, Ստեֆանոս Ցիցիպասը, Ալեքսանդր Զվերևը, Մատեո Բերետինին, Գաել Մոնֆիլսը և Դեյվիդ Գոֆինը:

Նախօրեին Նովակ Ջոկովիչն իր կարիերայում 8-րդ անգամ հաղթեց Ավստրալիայի բաց առաջնությունում: Մոտ 4 ժամ ձգված մրցախաղում սերբը գերազանցեց Դոմինիկ Տիմին: