Իրանում Iran Air-ին պատկանող օդանավը դուրս է եկել թռիչքուղուց

Iran Air-ին պատկանող ուղեւորատար ինքնաթիռը վայրէջք կատարելիս դուրս է եկել թռիչքուղուց Քերմանշահ քաղաքում։ Այս մասին հայտնում է Mehr լրատվական գործակալությունը, հավելելով, որ բարեբախտաբար արտակարգ միջադեպից ոչ ոք չի տուժել։ Ինքնաթիռը եղել է Airbus-319 եւ իրականացրել է Թեհրան-Քերմանշահ ներքին թռիչքը։ Միջադեպի պատճառը վայրէջքի պահին անիվների մոտ առաջացած խնդիրն է եղել։ Օդանավում եղել է 110 մարդ՝ 102 ուղեւոր եւ անձնակազմի ութ անդամները։