«ԳԱԶել»-ը Մյասնիկյան գյուղի սկզբնամասում դուրս է եկել ճանապարհի երթևեկելի հատվածից և կողաշրջվել
ՎԻԴԵՈՓետրվարի 1-ին, ժամը 09:22-ին 911 ահազանգման կենտրոն ահազանգ է ստացվել, որ Արմավիրի մարզի Մյասնիկյան գյուղի սկզբնամասում տեղի է ունեցել ՃՏՊ: Այս մասին հայտնում են ԱԻՆ լրատվական ծառայությունից:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Մյասնիկյան գյուղի սկզբնամասում «ԳԱԶել» մակնիշի ավտոմեքենան (վարորդ՝ Վլադիկ Գ.) դուրս է եկել ճանապարհի երթևեկելի հատվածից և կողաշրջվել. տուժածներ չկան:
Փրկարարները հոսանքազրկել են ավտոմեքենան, փակել գազի բալոնի փականը և սահմանազատել տարածքը:
