Խանութներից խաբեությամբ ապրանքներ էր «գնել». Վճարել է հուշանվեր թղթադրամով
ՀԱՍԱՐԱԿՈՒԹՅՈՒՆՆոյեմբերի 30-ին ոստիկանության Նաիրիի բաժնի ծառայողներն օպերատիվ տեղեկություններն իրացնելիս Երեւանի Սիլիկյան թաղամասից, գողություն կատարելու կասկածանքով, բերման են ենթարկել 56-ամյա մի քաղաքացու։
Ոստիկանությունից NEWS.am-ին հայտնում են, որ նա խոստովանել է, որ սեպտեմբեր եւ հոկտեմբեր ամիսներին Նաիրիի վարչական տարածքում գտնվող մի շարք խանութներից կատարել է գողություններ:
Նա մատնացույց է արել նաեւ Նոր Արտամետ գյուղի 8-րդ փողոցում գտնվող խանութը եւ հայտնել, որ սեպտեմբերին 5.000 ռուբլի հուշանվեր թղթադրամով խաբեությամբ ձեռք է բերել տարբեր ապրանքներ։
Նույն եղանակով Եղվարդի Կոմիտասի փողոցի խանութից սեպտեմբերին 5.000 ռուբլի հուշանվեր թղթադրամով խաբեությամբ գնել է օծանելիք, կոնյակ եւ ծխախոտ:
Վնասի չափը պարզվում է:
Խանութների սեփականատերերը հրավիրվել են բաժին՝ հաղորդում տալու։
Նախապատրաստվում են նյութեր:
