Վարդան Մինասյանը` թիմի հաղթանակի մասին

«Արարատ-Արմենիա»-ի գլխավոր մարզիչ Վարդան Մինասյանը երկու թիմերի համար էլ բարդ ստացված է համարում Եվրոպայի լիգայի որակավորման փլեյ-օֆֆ փուլի «Ֆ91 Դյուդելանժ»-ի հետ առաջին խաղը։ Այս մասին Մինասյանն ասաց օգոստոսի 22-ին տեղի ունեցած հետխաղային մամուլի ասուլիսի ընթացքում։

«Դժվար խաղ ստացվեց և՛ մեր, և՛ մրցակցի համար։ Միակ կարևոր բանը, որ այսօր ինձ գոհացրեց, դա մեր թիմի բնավորությունն էր, որ ցույց տվեցինք վերջին րոպեների ընթացքում»,- ասաց մարզիչը։

Հիշեցնենք, որ Եվրոպայի լիգայի որակավորման փուլի վերջին տուրի առաջին խաղում «Արարատ-Արմենիա»-ն 2:1 հաշվով հաղթել է «Դյուդելանժ»-ին: