Եվրամիությունը Facebook-ի վճարային համակարգի հակամենաշնորհային հետաքննություն Է սկսել

Եվրամիության հակամենաշնորհային կարգավորիչները Facebook-ի նկատմամբ հետաքննություն են սկսել Libra կրիպտոարժույթի ստեղծման նախագծի կապակցությամբ: Այդ մասին հայտնել Է Bloomberg-ը՝ վկայակոչելով եվրահանձնաժողովի համապատասխան փաստաթուղթը: Պաշտոնյաները զգուշանում են, որ վճարային համակարգի՝ ընկերության կողմից առաջարկված տարբերակը կարող Է սահմանափակել մրցակցությունը:

Եվրահանձնաժողովում նաեւ անհանգստացած են այն բանից, որ Libra-ն կարող Է մրցակցության համար սահմանափակումներ ստեղծել տեղեկատվության փոխանակման եւ օգտատերերի տվյալների օգտագործման տեսակետից: Կարգավորիչները նաեւ ուսումնասիրում են Facebook-ի այնպիսի ծառայություններում Libra-ի հավելվածների ինտեգրացման հնարավորությունը, ինչպիսիք են WhatsApp-ը եւ Messenger-ը:

Facebook-ը պլանավորում Է Libra-ն թողարկել 2020 թվականին, հաղորդել Է «Ինտերֆաքս»-ը: