«Բավարիա»-ն հայտարարել է «Բարսելոնա»-ի հետ համաձայնության մասին
ՍՊՈՐՏ«Բավարիա»-ն Ֆելիպե Կոուտինիոյի տրանսֆերի հարցում համաձայնության է եկել կատալոնյան «Բարսելոնա»-ի հետ: Այս մասին հայտնում է գերմանական ակումբի կայքը:
Մյունխենյան ակումբը ֆուտբոլիստին կվարձակալի մեկ մրցաշրջան` տրանսֆերային իրավունքը ձեռք բերելու հնարավորությամբ:
Կոուտինյոն առաջիկա օրերի ընթացքում կմեկնի Մյունխեն պայմանագրի կնքման համար և բուժզննում կանցնի:
Ֆուտբոլիստը կատալոնյան թիմ է տեղափոխվել 2018թ-ի հունվարին՝ «Լիվերպուլ»-ից:
«Բարսելոնա»-ի կազմում բրազիլացին մասնակցել է 76 խաղի ու խփել 21 գոլ:
