Մարտունիում այրվել է մոտ 150 հակ անասնակեր

Գեղարքունիքի մարզի Մարտունի քաղաքի Մամիկոնյան փողոցում այրվել է կուտակած խոտ: Օգոստոսի 15-ին՝ ժամը 14:33-ին «911» ծառայությանն այդ մասին ահազանգ է ստացվել:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Հրդեհը մեկուսացվել է ժամը 14։38-ին, մարվել՝ 15։35-ին։

Պարզվել է, որ Մամիկոնյան փողոցի տներից մեկի բակում այրվել է մոտ 150 հակ անասնակեր։