Հրդեհ՝ Արծվաբերդ գյուղում. այրվել է 30 մեղվափեթակ և 100 խնձորենի

Օգոստոսի 8-ին, ժամը 15:35-ին «911» ծառայությանն ահազանգ է ստացվել, որ Արծվաբերդ գյուղում «Ըլնքար ձոր» կոչվող հանդամասում այրվում են մեղվափեթակներ:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Հրդեհը մեկուսացվել է ժամը 16:55-ին, մարվել՝ 18:00-ին:

Պարզվել է, որ այրվել է 14 հա խոտածածկ տարածք, 30 մեղվափեթակներ (15-ը՝ մասամբ), 100 խնձորենի, 30 դեղձենի, 6 հոնի և 15 ընկուզենի: