«BMW» մակնիշի ավտոմեքենա է այրվել

«911» ծառայությանը հուլիսի 26-ին՝ ժամը 14։12-ին, տեղեկություն է հաղորդվել, որ Գեղարքունիքի մարզի Չկալովկա գյուղի մոտակայքում այրվում է ավտոմեքենա. անհրաժեշտ է փրկարարների օգնությունը։

Ինչպես տեղեկացրին ՀՀ ԱԻՆ-ից, դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Հրդեհը մեկուսացվել է ժամը 14։52-ին, մարվել՝ 15։19-ին։ Այրվել են «BMW» մակնիշի ավտոմեքենան՝ ամբողջությամբ, մոտակայքում գտնվող վագոն-տնակի հատակը՝ մոտ 5 քմ և ներքին փայտյա երեսպատումը: Հրդեհի հետևանքով տուժածներ չկան: