«Ռեալ»-ը պատրաստ է Խամես Ռոդրիգեսին վաճառել «Ատլետիկո»-ին
ՍՊՈՐՏՄադրիդի «Ռեալ»-ը պատրաստ է կոլումբիացի հարձակվող Խամես Ռոդրիգեսի տրանսֆերային իրավունքը վաճառել «Ատլետիկո»-ին: Այս մասին գրում են իսպանական ԶԼՄ-ները: Ֆուտբոլիստի տրանսֆերի գինը կկազմի 40 միլիոն եվրո առանց հավելավճարների: Ըստ լրատվականների՝ հարձակվողն արդեն եկող շաբաթ բուժզննում կանցնի «Ատլետիկո»-ում:
Խամեսը վերջին երկու մրցաշրջանում հանդես էր գալիս Մյունխենի «Բավարիա»-ի կազմում: Գերմանական ակումբը հնարավորություն ուներ գնելու հարձակվողի ամբողջական տրանսֆերը, սակայն հրաժարվել է դրանից:
